Тыдні роднай мовы “Як ты дорага мне, мая родная мова!”

З 19 па 23 верасня  ва ўстановах адукацыі  Маскоўскага раёна г.Брэста прайшоў тыдзень роднай мовы “Як ты дорага мне, мая родная мова!”

Асноўная мэта тыдня  –  развіццё пазнавальнай цікавасці вучняў, фарміраванне новых уменняў і навыкаў, культуры маўленчага этыкету, павышэнне  якасці пазакласнай работы, выхаванне грамадзянскіх пазіцый і патрыятычных  пачуццяў вучняў праз уключэнне іх у сумесную дзейнасць, накіраваную на ўшанаванне асноў беларускай дзяржаўнасці.

Мерапрыемствы тыдня былі спланаваны педагогамі па паралелях ,  класах і садзейнічалі фарміраванню ў дзяцей актыўнай грамадзянскай пазіцыі, развіццю пазнавальнай актыўнасці, актывізацыі сумеснай дзейнасці.

У час адкрыцця тыдня  настаўнікі беларускай мовы і літаратуры шмат увагі ўдзялілі году гістарычнай памяці.Былі праведзены: інтэрактыўная гульня “Знаўцы беларускай мовы” ,Гульня-падарожжа “Ці ведаеш ты сваю мову?”,выразнае чытанне вершаў на роднай мове ,віртуальны часопіс “Спачатку было слова”,выставы вучэбнай літаратуры “ Сэрцам роднага слова краніся,”квэст-гульня”Фальклор,фальклор-душа народа”,экскурсіі па школьных этнаграфічных музеях,гастранамічны фэст “ Беларуская кухня”,паказ адзення ў традыцыйным стылі “ Будзь у трэндзе”,прэзентацыя віншавальных паштовак  “ Пажаданні роднай мове”,стварэнне інтэрактыўнага воблака слоў”Маё любімае слова па-беларуску”,чэлендж “ Мова маёй краіны” ( СШ №37,19,гімназія №4),напісанне творчых работ” За што я люблю родную зямлю?”, флаер-фэст” Мой родны кут,як ты мне мілы…”,музычны калейдаскоп” Мова родная-мова модная”, сустрэчы з беларускімі пісьменнікамі,круглыя сталы “ Актуальныя пытанні навучання беларускай мове ва ўстановах агульнай адуацыі”,творчая акцыя “Чытаем разам Максіма Танка”, вершаваны флэшмоб”Нашай роднай мовы шчырыя і ветлівыя словы мовы” і іншыя.

Усе мерапрыемствы былі цікавымі і вучням, і  настаўнікам. Яны далі магчымасць вучням праявіць сваю эрудыцыю, знаходлівасць, адчуць гонар  за  свой  народ, за   сваю   зямлю,   за тое, што мы – беларусы!

Настаўнікі імкнуліся стварыць  пад час правядзення мерапрыемстваў атмасферу свята: свята народнай творчасці, свята роднай мовы, гісторыі, літаратуры.

Мерапрыемствы, праведзеныя ў рамках тыдня настаўнікамі беларускай мовы і літаратуры, сталі добрымі ўрокамі выхавання духоўнасці, пачуцця адданасці роднаму краю і яго культурнай спадчыне.

У час тыдня 16 верасня вучні VIII-XI ўстаноў адукацыі пісалі рэспубліканскі дыктант,прымеркаваны  да Дня народнага адзінства.Дыктант пісаўся з мэтай прыцягнення ўваг грамадскасці да святкавання Дня народнага адзінства, выхавання  ў вучняў паважлівага  і адказнага стаўлення да гісторыі беларускага народа, усведамлення непарыўнай сувязі гісторыі і сучаснасці. важнасці  народнага яднання на шляху  да росквіту Радзімы.

Інфармацыя своечасова размяшчалася на ТЭЛЕГРАМ канале упраўлення па адукацыі Маскоўскага раёна г.Брэста.